DIZON EXOTIC FRUIT TREES

Home

Our Technology

Sales

Demo Centers

Varietal Selections

CHICO

CITRUS

DURIAN

GRAPES

JACKFRUIT

LANZONES

LYCHEE

LONGAN

MACOPA

MANGO

MANGOSTEEN

PUMMELO

RAMBUTAN

Quezon

Kaunlaran, Agriculture Magazine

Pagpapabunga ng Longkong Lanzones

ni Marilou Angolluan Alejandro

Si Dr. Bernie Dizon sa Tianong, Quezon kasama ang mag asawang Ester at Monching Flores (kanan) at si Dr. Ed Araral sa ilalim ng puno ng Longkong lanzones na hitik sa bunga. Double rootstock ito na bahagyang tumaas ngunit napakaraming mamunga. Ang karaniwang lanzones na galing sa buto ay 15 piye bago mamunga na inaabot ng 15-30 taon.

Ang Lanones (Lansium domesticum Correa), ay isa sa mga paboritong prutas natimg mga Pinoy. Matamis na uri ng prutas na makikita natin noon sa Laguna, Bukidnon, Albay. Quezon, Samar, Oriental Mindoro, Misamis Orienta, at sa ilan pang mga probinsya sa Mindanao at Visayas. Pero ngayon kahit saan dako ng Pilipinas ay nakikita natin ang lanzones. Napapabunga ito ni Dr. Bernie Dizon sa kahit saang panig ng ating bansa.

Double or tiple rootstock na puno ng lanzones ang dapat nating itanim, ayon kay Ka Bernie. Ito ay para mamunga agad at mapagkakitaan. 'Yan ang bungad sa amin ni Ka Bernie. Ang gamitin umano na pinakapuno o rootstock ay ang jolo variety na lanzones. Ito ay matibay sa phytophthora root rot at sa bagyo.

Samanata , ang Longkong lanzones ay mula naman sa Thailand. Mahal ang bunga nito lalo na kung off season namunga. Umaabot ito ng mula P600-P800/kilo. Ang longkong lanzones ay kilala sa dami ng pamumunga nito na dikit-dikit.. Bukod pa rito, wala itong buto o napakadalang, hindi mapait at walang dagta.

Lanzones Harvest Festival sa CLSU. Nakaupo sa kaliwa ay si Mayor Jose Boyong-boyong Dizon katabi si CLSU President Tereso Abella, Fiscal Danny Yang at si Dr. Teresito Aguinaldo (Kuha ni Bernie Diaz of Promdi Mirror)

Pagtatanim ng Lanzones

Ang Longkong lanzones ay pwedeng itanim kahit saan at kahit anong klase ng lupa. Namumunga ito pagkaraan ng limang taon pagkatanim. Maglaan ng limang metrong pagitan sa pagtatanim ng puno nito.

Abonohan ang nahukay (paupong abono). Lagyan ng phosphorous katulad ng 18-14-0, 16-20,0 o 0-20-0 [click for application guide] sa ilalim ng hukay para dumami ang ugat at maging matibay sa bagyo at sa tagtuyot. Haluan ang lupa ng ipa at organic fertilizer na itatabon sa 2ft x 2ft na hukay.

Limang taon na double rootstock na Longkong Lanzones sa farm ni Atty. Victor Lazatin sa Tiaong, Quezon. Nakaupo mula sa kaliwa ay si Bert Fulgencio, Eddie Rubio at Ka Bernie Dizon [click to view atty lazatin farm]

Pagpapabunga ng Lanzones

Maliban sa double rootstock na siyang nagpapabilis upang mamunga agad ang lanzones sa loob ng 3-5 taon, ipinapayo rin ni Ka Bernie na lagyan ng pataba ang lanzones Triple katorse o (14-14-14) ang ilagay sa puno ng lanzones 3 buwan bago pamungahin. Gawin ito bago i-water stress ang halaman. Kapag lanta na ang dahon ng lanzones, diligan ito araw-araw hanggang sa lumabas ang mga bulaklak. Lagyan ng 17-0-17 [click for application guide] para magtuloy-tuloy ang bulaklak, lumaki ang bunga at tumamis.