|
|
|
Kaunlaran Agricultural Magazine |
|
TOP WORKING
|
|
ni Dr. Bernie
Dizon |
 |
Dahil sa climate change,
mahirap ng pabungahin ang manggang kalabaw. Ang
pag-ambon o bahagyang ulan kahit tag-araw ang magiging
dahilan ng pag-atake ng sakit na anthracnose sa
bulaklak at buko ng halamang mangga. Bukod pa rito,
kinakaharap din ng mga mango growers ang
pagdami ng peste katulad ng ngusong kabayo (hoppers)
at kurikong (capsid bug) Dahil sa mga
problemang ito, halos hindi na kumikita ang mga
mango growers.
PAANO GINAGAWA ANG TOPWORKING?
 Ang
punong mangga ay pinababata sa pamamagitan ng pagpuputol
sa bahaging itaas nito. Kung ang edad ng mangga ay 10-15
taon maaaring magputol sa itaas ng 10 piye at lahat ng
sanga na gabraso man o mas malaki o maliit ay dapat
putulin para magkaroon ng bagong supang o suloy (shoots)
na kasinglaki ng lapis. Ito ang dudugtungan ng mga
imported na binhi ng Chokanan, Golden Queen, Peach
Mango, Nam Doc Mai pagkaraan ng 3 buwan o higit pa.
Gumamit ng lagare (saw) para walang bakbak (clean
cut) ang pinutol na sanga at mas madali maghilom.
Siguraduhing slanting o palihis ang putol para
hindi tigilan ng tubig ulan. Maaari ring pintahan ng
latex o anumang pinta para maghilom ang sugat.
Pagkaraan ng tatlong buwan o higit pa mula sa pagputol
magkakaroon na ng mga suloy na kasinglaki ng lapis.
Pwede na itong dugtungan ng sanga (scion) ng
mga imported na mangga. Ang agwat ng dugtong ng
mga sanga ay isang piye. Kung malaki ang mapuputol na
sanga, pwedeng pagsalubungin ang 2 suloy at idugtong sa
isang scion na katulad ng double rootstock.
Namangha ang mga nakakita sa aking topworked na
Indian mango na namumunga. Unang namumunga ang sanga ng
Chokanan na naging manggang kalabaw daw ang Indian
mango, ayon sa nakakita. Sumunod na namunga ang
idinugtong na sanga ng Peach Mango na bilog at
namunga ng isang kilo. Ang sanga naman ng Golden Queen
ay isang kilo at kalahati naman ang ibinunga. Aba eh
naghimala daw ang puno., Salamat sa topworking!
|
|
|
|
|
|
